Ezohiko estropada izan zen larunbatekoa. Castroko estropada eremuan balizekin arazoak izan zituzten eta azken bi txandak ezin izan zituzten jokatu eta traineruak binaka atera ziren. Egoera berezi hori baliatuz, Tiranek bere aukerak ondo jokatu eta estropada irabazi zuen, Ohorezko txandan zergatik dagoen erakutsiz. Igandean berriz Portugaleten, oso bestelakoa izan zen estropada, bertan Kaikuk indartsuena dela erakutsi zuen. Aipatzekoa Castroren kaleratzea, Astillero abordatzeagatik. Hona hemen Castroko estroparen emaitzak. Eta beste honetan Ambilamp estropadaren emaitzak.

Zarauzko Ikurriñaren bi jaurdunaldietan gailendu da Kaiku, beraz Ikurriña Bizkaitarrarentzat. Sestaoko ontziak, TKE ligako azken txanpara indartsu iritsi dela erakutsi du. Beste taldeei dagokionez aipatzekoa, Hondarribiak eta Urdaibaik egindako bigarren estropada kaskarra, liga irabazteko aukerak galdu baitituzte. Hona hemen emaitzak: Zarauzko lehenengo estropada eta Zarauzko bigarren estropada.

Horixe izan da TKE ligako asteburu honetako laburpena. Larunbatean, Hondarribiak etxeko estropada eremua ederki ezagutzen duela erakutsi zuen eta sekulako erakustaldia eman ere. Larunbatean Kaiku kaskar aritu zen eta bostgarren iritsi zen. Igandean aldiz, bigarren tandan arraun egin arren Bizkaitarrak traineruak garaipena lortu du, agian itsasoa baldintza hobeagoetan zegoelako. Hondarribiak bere aldetik, Ohorezko txanda irabazi eta bigarren egin du. Honela, asteburu honen ostean, Kaikuk bi punturen aldea bakarrik eramaten dio Hondarribiari. Beste taldeei dagokionez, nabarmentzekoa San Pedrok bi estropadetan lortutako hirugarren postua. Hona hemen Hondarribiako estropadaren emaitzak eta Zumaiako estropadaren emaitzak.